१) हे रोज झगडणे ध्येयासाठी कशाला
काबाडकष्ट अन दगदग हवी कशाला
हे बरे, आहे त्या स्थितीत मस्त रहाणे
अन शांत निजावे घेऊन दैव उशाला
२) आम्ही युगायुगांचे नशाबाज शब्दांचे
ते ढोसुन ढोसुन अट्ट्ल बनलो नाचे
ही पुचाट व्यसने तुम्हास हो लखलाभ
दररोज पितो रे अर्क चंद्रसूर्याचे
३) ह्या रस्त्यावरती मुडदे रोज पहातो
डोळ्यावर पट्टी बांधून चालत र्हातो
भोसकले कोणी गळा दाबला तर मी
राष्ट्रगीत तेव्हा उच्च रवाने गातो
(मी मृगजळ पेरीत)
